Ƙarfi ko rauni na kuɗi ya na nuna tsayayyen tattalin arziki, kyakkyawan tsarin kuɗi, da amincewar masu zuba jari.
A duniya, wasu Ƙasashe sun kiyaye ƙarfin kuɗinsu sosai idan aka kwatanta da Dalar Amurka, sakamakon kyakkyawan shugabanci, manufofi masu inganci, da ci gaban tattalin arziki mai ɗorewa.
A cewar Forbes Currency Calculator, ga kuɗaɗen Duniya mafi ƙarfi guda 10:
1. Kuwait – Kuwaiti Dinar (KWD)
- 0.31 KWD = 1 USD
Dinar ɗin Kuwait shi ne kuɗin Duniya mafi ƙarfi. Ƙarfinsa ya na samuwa ne sakamakon babban ajiyar Mai, tsayayyen tattalin arziki, da kula da hauhawar farashi.
2. Bahrain – Bahraini Dinar (BHD)
- 0.38 BHD = 1 USD
Dinar ɗin Bahrain ya na da ƙarfi sosai saboda Man Fetur da tattalin arziki mai daidaito, tare da tsayayyen tsarin kuɗi.
3. Oman – Omani Rial (OMR)
- 0.39 OMR = 1 USD
Rial ɗin Oman ya na da ƙarfi saboda Man Fetur mai yawa, kyakkyawan shugabanci, da tsayayyen tsarin kuɗi.
4. Jordan – Jordanian Dinar (JOD)
- 0.71 JOD = 1 USD
Dinar ɗin Jordan ya na da ƙarfi duk da ƙarancin albarkatun ƙasa. Wannan ya samo asali ne daga tsayayyen tsarin kuɗi, manufofin tattalin arziki masu kyau, da tallafin ƙasashen waje.
5. Gibraltar – Gibraltar Pound (GIP)
- 0.79 GIP = 1 USD
Pound ɗin Gibraltar ya na da ƙarfi saboda daidaiton tsarin kuɗi da tattalin arzikin ƙaramar ƙasa mai dogaro kan kasuwanci da yawon shaƙatawa.
6. Cayman Islands – Cayman Islands Dollar (KYD)
- 0.82 KYD = 1 USD
Dollar ɗin Cayman Islands ya na ƙarfi saboda kasuwancin bankuna na Duniya, tattalin arziki mai ƙarfi, da daidaitaccen tsarin kuɗi.
7. British Pound – Pound Sterling (GBP)
- 0.87 GBP = 1 USD
Pound Sterling ya na daga cikin kuɗaɗen Duniya mafi ƙarfi, ya na da tarihi mai ƙarfi da tattalin arziki mai ɗorewa, da kuma karfin kasuwanci da masana’antu.
8. Euro – EUR
- 0.94 EUR = 1 USD
Euro ya na da ƙarfi saboda tsayayyen tattalin arziki na ƙasashen Turai, haɗin guiwar EU, da tsayayyen tsarin kuɗi.
9. Swiss Franc – CHF
- 1.01 CHF = 1 USD
Franc ɗin Switzerland ya na da ƙarfi saboda tsayayyen tsarin kuɗi, babban tattalin arziki mai daidaito, da tsaron kuɗi.
10. US Dollar – USD
- 1 USD = 1 USD
Dalar Amurka, duk da cewa ita ce ma’aunin Duniya, ta na cikin jerin kuɗaɗen da ake amfani da su sosai saboda karfin tattalin arziki, tsayayyen tsarin kuɗi, da amincewar ƙasashen Duniya.
