Ƙarfin kuɗi na nufin yadda darajar kuɗin Ƙasa take idan aka kwatanta da sauran kuɗaɗen Duniya, musamman Dalar Amurka (USD).

Ga jerin wasu daga cikin kuɗaɗe mafi ƙarfi a Afirka da kuma abin da ya taimaka musu samun ƙarfi:

1. Tunisiya – 2.88 Tunisian Dinar

Dinar na Tunisiya shi ne mafi ƙarfi a Afirka saboda daidaitaccen tsarin banki, Yawon Buɗe Ido, da kuma Masana’antu masu taimakawa tattalin arzikinta.

2. Libya – 6.34 Libyan Dinar

Duk da rikice-rikicen Siyasa, Libya na da kuɗi mai ƙarfi saboda yalwar Man Fetur da take fitarwa zuwa ƙasashen Duniya.

3. Maroko – 9.25 Dirham na Maroko

Maroko na da tattalin arziki mai bunƙasa ta fuskar Noma, Kasuwanci, da Yawon Buɗe Ido, wanda ke taimaka wa Dirham ɗinta samun ƙarfi.

4. Ghana – 11.14 Ghanaian Cedi

Ghana na samun tallafin tattalin arziki daga Zinariya, Koko, da Man Fetur. Duk da tashin farashi a wasu lokuta, Cedi na ci gaba da kasancewa cikin mafi ƙarfi a Afirka.

5. Botswana – 13.52 Botswana Pula

Botswana na ɗaya daga cikin ƙasashen Afirka masu kyakkyawan tsarin tattalin arziki, musamman saboda arzikin Lu’u-lu’u da kyakkyawan tsarin Gwamnati.

6. Seychelles – 13.53 Seychellois Rupee

Yawon Buɗe Ido da tattalin arzikin tsibirai sun taimaka wajen ba wa kuɗin Seychelles ƙarfi da daraja.

7. Eritrea – 15.00 Eritrean Nakfa

Gwamnatin Eritrea na sarrafa tsarin kuɗinta sosai, wanda ke taimakawa wajen kare darajar Nakfa a cikin gida.

8. Eswatini – 16.55 Swazi Lilangeni

Kuɗin Eswatini ya na da alaƙa da Rand na Afirka ta Kudu, wanda ke taimaka masa samun bunƙasa.

9. Namibiya – 16.55 Namibian Dollar

Namibiya na cin gajiyar Ma’adinai, Noma, da kuma dangantakar kuɗinta da Rand na Afirka ta Kudu.

10. Lesotho – 16.58 Lesotho Loti

Loti na Lesotho shi ma yana da alaƙa da Rand na Afirka ta Kudu, wanda ke taimaka wa kuɗin ƙasar wajen samun daidaito.

                    Abin Lura

Kuɗi mai ƙarfi ba koyaushe yake nuna cewa al’ummar ƙasar sun fi kowa wadata ba. Wasu lokuta tsarin Gwamnati, albarkatun ƙasa, ko yadda aka tsara canjin kuɗi ne ke ba kuɗin ƙasa ƙarfi a kasuwannin Duniya.