Birtaniya, wadda a baya ake kallonta a matsayin ɗaya daga cikin ƙasashen da suka fi ƙarko a Siyasa, na ƙara zama abin misali na rashin tabbas da sauyin shugabanci.

Cikin shekaru bakwai da suka gabata, ƙasar ta sauya Firayim Minista har sau biyar, lamarin da ke nuna yadda siyasar Birtaniya ke ƙara fuskantar ƙalubalen daidaito.

Jerin shugabannin da suka jagoranci Birtaniya a wannan lokaci

• Theresa May (Yuli 2016 – Yuli 2019)
  Ta hau mulki ne bayan ƙuri’ar Brexit, in da ta yi fama da ƙalubalen ficewar Birtaniya daga Tarayyar Turai.
• Boris Johnson (Yuli 2019 – Satumba 2022)
  Ya jagoranci ƙasar a lokacin annobar COVID-19 da kuma kammala komawar ƙasar Brexit.
• Liz Truss (Satumba 2022 – Oktoba 2022)
  Ta kafa tarihi a matsayin Firayim Minista mafi gajertan wa’adi a tarihin Birtaniya, in da ta yi kwanaki 49 kacal a mulki.
• Rishi Sunak (Oktoba 2022 – Yuli 2024)
  Ya karɓi mulki a wani lokaci da tattalin arzikin ƙasar ke fuskantar manyan ƙalubale.
• Keir Starmer (Yuli 2024 – Yuni 2026)
  Shi ne sabon shugaban da ya jagoranci ƙasar kafin sanar da murabus dinsa.

Ƙididdiga Masu Nuna Girman Matsalar

• Jimillar Firayim Ministoci: 5
• Tsawon lokacin da aka duba: Shekara 7
• Matsakaicin zaman mulki: Kusan shekara 1.4 ga kowane shugaba
• Mafi gajeren wa’adi: Liz Truss — kwanaki 49

Me Wannan Ke Nunawa?

Yawan sauyin shugabanci cikin ɗan gajeren lokaci na nuna cewa, siyasar Birtaniya ta na fuskantar wani sabon yanayi na rashin tabbas. Sauya shugabanni akai-akai na iya shafar ɗorewar manufofi da kwanciyar hankalin mulki.

Abin da ya taɓa zama alamar ƙarfin tsarin Siyasa a Birtaniya yanzu ya fara nuna alamun raunana.

Wannan ya sa tambaya ta ɗarsu a zuciyoyin Mutane: Shin Birtaniya ta rasa karsashin ɗorewar Siyasa da aka daɗe ana danganta ta da shi ne?